Mil premye ane kote Legliz la te ini
Gen de evenman nan listwa
Kretyen yo ke yon moun pa ka neglije si li vle fè yon rale sou twa (3) premye
syèk ekzistans Legliz la: 1) se fason ke krisyanizm nan tap epapiye nan Enpi
romen, an 2) pèsekisyon ke kretyen yo tap sibi kèk periòd, jiskaske yo proklame akò
Milan nan lane 313. Apot yo ak lòt moun ki vini annaprè yo te fonde ampil legliz
nan vil ke te gen pi plis inpòtans nan Enpi romen. an Nan chak vil te genyen yo
kominote kretyen ki te gen nan tèt li yo evèk, se konsa apot yo te rele yo, fò 'n
di tou ke yo te gen moun ki t’ap ède yo, pè (presbytres) ak diak. Nou ka wè ke
mòd òganizasyon sa te deja sou pye depi nan finisman premye syèk la. Nou ka
remake sa nan pil lèt ke sen Inyas, evek Antiòch la, te ekri lè’l t’apral nan
vil Ròm nan kote yo t’apral matirize li. Sen Inyas se premye moun ke pale klè
tankou dlo kòk sou ki sa yo kominote kretyen natif natal ye, «kominote kretyen natif
natal la se Legliz», yon lide ki rete plante byen fon nan tyè òtodòks sou fason
li konprann Legliz.
suite...